Det er snart eitt år sidan vi starta som sentrumskoordinatorar – og no jobbar vi vidare med å bygge på det vi sette i gang i fjor. Bak kulissane jobbar vi med: – søknader og finansiering til vidare utvikling av møteplassar og prosjekt – vidareutvikling av Fjord & Jord, og ser på moglegheiter for noko meir permanent saman med lokale aktørar – å finne nye konsept og aktørar som vil etablere seg i sentrum – å hente inn aktivitetar som street food og liknande konsept – eit eige ungdomsprosjekt gjennom sommaren – moglegheita for eit lokale på bakkenivå – ein synleg base for Bygnist og ein møteplass for aktivitet Samtidig held vi fram arbeidet med det vi starta i fjor: pop-up, arrangement, samarbeid og utvikling av sentrum som ein levande møteplass. Målet er det same – meir liv, fleire opplevingar og eit sterkare sentrum.